Ortuella Aurrera :: BADATOR OLENTZERO!!!! :: December

Orri Nagusia08-December-23 3:14 pm

BADATOR OLENTZERO!!!!

5 Erantzunak »

<--

The URI to TrackBack this entry is: http://ortuella.blogsome.com/2008/12/23/badator-olentzero/trackback/

-->

Olentzero ez da joku politikoan sartu behar. Izugarri gustatzen zaizue gauza guztiak zuen joku politikoan sartzea: insumisioa, euskara, euskal kultura, futbola eta nola ez, Olentzero!!

Olentzero bai, baina politikaz aparte mesedez!!

Comment by Olentzero — 08-December-23 @ 5:39 pm
Barkatu kontran egin behar izatea, baina:

Gu geuk nahiko genuke politikaren ganetik bai olentzeroa, bai futbola, bai euskara… edozein gauza egotea. Baina nahia eta errealitatea bi gauza desberdin dira. Intsumisioa, zuk dinozun “joku politiko” horretan sartzen da edo intsumisioa ulertzeko era desberdinak daude?; Eta zein da “joku politikoan” dagoena eta zein ez? Ze armada arrotz bateri egin ahal zaio intsumisioa, eta hori politika da, edo armada guztiei egin ahal zaio intsumisioa, arrazoia edozein izanik, eta hori ere politika da. Bestelan galdetu gartzelan egondako intsumiso guzti guztiei, edozein koloretakoa izanda, ia intsumisioa politika izan eta badan edo ez.

Edo Euskara… eztala politika? hizkuntza bakarrik dala? benetan dinozu edo brometan zabiltza? Horregatik horrenbeste urtetan egon da galarazia? Horregatik estatutoan aipatu arren, euskal gizartearen gehiengoak eztu euskera menperatzen ezta oinarrizko elkarrizketa bat mantentzeko beste? Ortuellako udaletxeko Euskara batzordetik hasita eta orain dela pare bat aste BEC-en izandako Euskaraz bai ekitaldiraino errepasoa egizu eta esan politikaren gainetik ote dagoen. baina izan gaitezen zintzoak, mesedez! Bestelan, hemeroteketara salto egin, eta PNV eta PSOE, batez ere ezkerraldean (Ortuella erabili izan zuen PNV-ek adibide lez) izan zuten afera, euskararen alde zeinek egiten zuen gehiago demostratzeko asmoz (hori bai, alkate ia guztiak eta zinegotzia ia ia gehienak erdaldunak dira, eta erdaldunak izateko harro kasu gehienetan)

Baina, jakina, gu geu gara politika leku guztietan egiten dugun bakarrak… edo zu bezalakoak bakarrik leporatzen diguzue berdinoi politika egitea…. nahiz eta politika ez egin. Lotsagarria benetan, zu bezalako kazike asko gelditzen dira

Guk ekitaldi bat antolatu dugu, eta gonbidatzen dugu jendea etortzen. Nahi eztozuenok ez joatearekin nahiko duzue, ez dizuegu behartzen eta.

Baina zin dagizugu, hurrengo urtean, preso guztiak beraien etxeetatik gertu egon ezkero, ez diogula Olentzeroari berriro eskatuko gurekin etortzeko, eskubidea izan beharko litzatekeen gauza bat aldarrikatzeko.

Comment by Ortuella Aurrera — 08-December-23 @ 6:00 pm
Dena da politika, eta hori ez dago kolokan. Uste dut ez duzula ezer ulertu, baina zure diskurtsoa idatzi duzu.

Nik mugimendu sozial batzu aipatu ditut, zuek bereganatu ahalegindu dituzuenak. Adibidez, insumisioa. Gogora ezazu zer gertatu zen mugimendu horrekin. Zuen kontrolpean izan nahi zenuten, baina, insumisioaren atzetik jende ugari geunden, ezker abertzalearen kontrolpean egon nahi ez genuenak. Euskararekin gauza bera hainbat euskararen elkarteetan. Futbolean, harmailetan denok dakigu zer motatako esaldiak entzun behar izan dugu (futbolarekin zerikusirik barik), eta orain, gure olentzero Amnistiaren alde dago.

Ez zait batere guztatzen politika, eta ni bezalakoei ez zaigu batere gustatzen pertsonak batzeko erabili behar dena, “politikaz” zikintzea. Gauza bera esango nuke PNVk edota PSEk AHTren aldeko Olentzero antolatzen badute.

Orain nire iritzia ezagututa, nahi baduzu, dei nazazu “kazike”.

Bukatzeko, azalpena bat nahiko nuke. AMNISTIAREN ALDEKO OLENTZEROk zer nahi du: Euskal presoen amnistia edota euskal presoak hurbiltzea. Zure azken parrafoa ulertzeko bakarrik.

Zorionak eta urte berri on!!

Comment by Olentzero — 08-December-23 @ 9:13 pm
Diskurtsoa diskurtsoaren truke.

Olentzeroak zer nahi izango lukeen, eta zer nahi niretzako sikieran argi baino argiago dago, bakoitzak olentzeroa nahi duen bezala ikusten duelako. Niretzako, betikoa, euskalduna, fedebakoa, parranderoa, tripontzi parrandazale… eta justua, merezi dutenei saria eta merezi ez dutenei zigorra ekartzen diena. Eta holan bada, seguru nago Euskal Herri subirano baten preso politikorik ez egotea izango dela bere nahia. Nik hori behintzat eskatu diot. Baina zuk pakea hartzeko, esan nizun eta errepikatzen dizut, hurrengo urtean presoak beraien etxeetatik gertu
egon ezkero, ez diogula olentzeroari gurekin etor dadin eskatuko. Ondo?

Eta berriro dinotsut, guk ekitaldi bat antolatu dugu, eta nahi duena etorri daiteke gurekin eta olentzerorekin. Eta gure proposamen ezpaduzu gustoko, ez agertzearekin nahikoa duzu. nik futbola eztut gustoko eta horixe bera egiten dut.

Eta azkeneko galdera bat: Non dago politikaz gaineko olentzero bat? Atzoko Bilboko arriagan ikusita, hainbat entrepresa, udaletxe eta banketxek ordainduta, edo ta nafarroako ikastol, guraso zein auzo elkarte antolatzen dutena, eta urtero izunak eta bahiketak jasatzen dituena? Edo ta Ortuellako udaletxeak antolatzen duena apolitikoa da? Seguru?
Zu bezalakook, irakurketa gainetik egiten duzuenok, jada mundu honetaz nazkatuta egon beharko zinatekete, ze zuk esan duzun moduan, dana da politika.

Eta nik ez dut ezer kontrolatu nahi. Ez intsumisioa, ez futbola… ez, oker zaude. baina futbola ulertzeko modu asko dauden bezala, intsumisioa (adibidez) ulertzeko modu asko daude ere. Edo danak izan behar gara kolore berdinekoak?

Urte oparoa zuretzako ere!

Comment by Ortuella Aurrera — 08-December-24 @ 11:02 am
https://www.blogger.com/comment.g?blogID=8838943398942449986&postID=2607581358605830726&isPopup=true

Comment by Olentzero — 09-January-2 @ 1:02 am

RSS sarrera honen erantzun bidea.

5 Erantzunak »

Idatzi erantzuna

Erregistrau zaitez!:

Sailak:

Linkak:

Bilatu orri honetan:

Artxiboak:

Azkeneko Mezua:

Orri Nagusira Itzuli